مشااااااااااااان الله حدا يرد

معقووووووووووووووووووووووووووووووول انو منتدى فيه 254 عضو و ما في مشاركات و لا حركة

2% بس يلي قام يشتغلون بالمنتدى و الباقي كأنهم مو موجودين

طيب حتى لو ما عندكم مواضيع اقترحوا شي لتحسين المنتدى

الله حيووووووووووووووووووووووووووووووووو!!!!
فعلا كان لازم ينفتح هالموضوع من زماااااااااااااااااااااااااااااااااااااااااااااااااااااان!!!
ولازمو حل جذري من الادارة!!!!

والله كلامك صحيح المنتدى كان اله ايامحلوه بس يمكن
تسكيره لمده طويله ادى شوي انه العالم تنساه واعاده الانطلاق
كانت ما على المستوى المطلوب
بس هلئ الحل برايي انه نحدد يوم اسمه يوم الانعاش للمنتدى
نبعت رسائل جماعيه للاعضاء بس قبلها لازم نكون منزلين مواضيع
على المستوى المطلوب
ولا شو رأيكم

يسلمو شباب عالرد و انا معك يا كاهن

و لازم نشتغل بكل الاقسام و نزل فيها مواضيع تكون فعلا تحقق شي للطلاب

مرحبا للكل اول شي... آسف انو كان ردي مختصر المرة الماضية بس كنت مستعجل شوي....
برجع بأكد على كلام الصديق كاهن والدمعة انو فعلا راحت ايام للمنتدى كنا ما نلحق فيها نرد على كل المواضيع.... طيب شو اسباب هالتراجع....
رح احكي بصراحة كعضو عادي بعيدا عن الاشراف....
اولا المشكلة انو الادارة ممثلة بشخص واحد هو الـ Admin والمدير والمشرف العام وبرأيي انو الحل يتمثل بتقسيم الادارة على 3 اشخاص!
تانيا غياب بعض الاعضاء والمشرفين او انقطاعهم لفترة... خاصة Casanova و mz.maddness اللي عن جد بتمنى نو يرجعو للمنتدى.... والحل يتمثل باجتماع بين الادارة والمشرفين يتم فيه دعوة الاعضاء والمشرفين الغائبين وايجاد البديل في حال استمرار الغياب!
تالتا اغلاق المنتدى لفترة تجاوزت 3 اشهر بالفترة الذهبية للمنتدى مما اثر سلبا على نسيان الكتير من الاعضاء للمنتدى والحل بيتمثل بتنتشيط المنتدى بطرح مواضيع اكتر...
رابعا فتح مواضيع قديمة سببت مشاكل سابقا والحل بيتمثل بالتعامل بصرامة مع الموضوع حتى لو سبب ايقاف عضوية او حتى طرد بعض الاعضاء لانو برأيي انو منتدى فيه كم عضو شغال احسن من منتدى فيه 255 عضو معظمهم ساكت...
خامسا قلة المواضيع المطروحة من الجميع بلا استثناء سواء كان من الادارة او المشرفين او الاعضاء .. والحل هو بطرح مواضيع جديدة وبتطوير بعض الاقسام الخاملة وباحياء الاقسام الميتة!!!

اخيرا انا بتمنى عن جد انو ترجع الايام الحلوة للمنتدى وتقبلوا تحياتي!!!

رابعا فتح مواضيع قديمة سببت مشاكل سابقا والحل بيتمثل بالتعامل بصرامة مع الموضوع حتى لو سبب ايقاف عضوية او حتى طرد بعض الاعضاء لانو برأيي انو منتدى فيه كم عضو شغال احسن من منتدى فيه 255 عضو معظمهم ساكت...

والله ياسيدي كان ضروري فتح هذا الموضوع والرد عليه مع أنكم لم تردوا الرد الشافي وأغلقتم الموضوع لأنه الآنسة فهمت غلط واسأألوا من كان مشارك في تلك الأيام

عزيزي "مازوت":
كان الكلام بردي السابق بشكل عام وانا ما قصدت حدا معين...
وتم إغلاق الموضوع لاني سبق ونبهت انو اذا انفتح هاد الموضوع مرة ثانية رح نقفل الموضوع.. فاجيت انت وفتحت الموضوع فصار اللي صار...
اللي بدي قولو انو قسم "وجهة نظر" تم انشاؤه مشان الحوار الجاد والهادف ومشان مواضيع اشكالية بتهم شريحة الشباب بشكل عام...
وما رح اسمح ابدا طالما انا مشرف هالقسم بفتح مواضيع جانبية او السماح لحساسيات قديمة وشخصية انو تكون بهالقسم....
بالنسبة لموضوعك برجع بقللك بكل صراحة انو انا ما بيهمني ابدا لسببين مهمين...
الاول انو ما رح يفيد حدا من الاعضاء بشي جدي...
والتاني انو موضوع قامت الادارة مشكورة بالرد عليه وخلص النقاش بالنسبة الي...
بقترح عليك انو ترسل رسالة خاصة للادارة اذا لسا بدك تناقش الموضوع... بس مستحيل انو يرجع نقاش هالموضوع على قسم "وجهة نظر"....

بكرر مرة تانية ... الرد كان بشكل عااااااااااااااااااااااااااااااااااااااااااااااااام... لانه بصراحة حاليا نحنا بيهمنا انو نرجع الايام الذهبية للمنتدى وما بيهمني انو اعمل عداوات او حساسيات مع عضو معين....
المنتدى النا كلنا واهم من كل الحساسيات....

تقبل تحياتي عزيزي... بس رح يكون هاد الرد آخر رد بالنسبة الي اذا رجع الموضوع نفسه...
وشكرا لتفهمك...

مرحبا شباب
شكراً ع الموضوع وخلونا نوضح شوية نقاط قبل ما نحكي

المنتدى
كان وما زال مشروع غير ربحي وهالشي أثر بشكل كبير ع شغلنا.. كيف؟ لأنو ما
حدا مستعد يساهم بليرة وحدة لدعم المنتدى مع انو لازمو شغل خير الله
الاعلانات مثلاً لهلأ ما انطبعت (مو هيك يا غيفارا؟) وتكاليف الاعلانات مرتفعة شوي لأن النوعية عالية.. فمين بدو يموّل هيك شي؟

ثانياً، لو فكرنا بتمويل للمنتدى، فبالضرورة لازم يكون من استضافة اعلانات تجارية.. بس هالشي لسى بكير عليه حالياً.

ايقاف
المنتدى كان لمدة طويلة لكن ضروري.. صار في تخبيص شوي من قبل الأعضاء يلي
قلبو المنتدى لشات بورد.. وكان في تحديثات تقنية لازم تنشغل
يمكن كانت المدة طويلة شوي لكن ضرورية

هي
الأسباب الاجمالية لتراجع المنتدى.. لكن الشي الظريف انو الأعضاء يلي عم
يسجلو كل يوم ما بيكلفو خاطرون ويكتبو كلمة بالمنتدى.. الكل عم يدخل بدو
شي ع المرتاح (قالها الاستاذ goal مرة).. مثلاً من بعد ما نشرت برنامج
الامتحان ارتفعت نسبة الأعضاء المسجلين فقط لياخدوا البرنامج والبعض منون
دخل وطلع بدون كلمة شكراً حتى!!

القضية يا شباب مو مثل ما تفضل
السيد غيفارا وقال انو الادارة متمثلة بشخص واحد بس، لأن الادارة مو
مركزية وتتقبل النقد والطرح الجديد.. خصوصاً بعد ما أثبت توزّع الادارة
(سابقاً) انو خطأ كبير أثّر على خصوصية الأعضاء يلي هي شيء مقدّس عند
الادارة..
وبالتحديث الجديد للمنتدى صار حتى عند الأعضاء العاديين صلاحيات ادارية جزئية: تبليغ الادارة بمشاركات مخالفة فورية مثلاً..

الخطة الجديدة لازم تركّز ع الناحية الترويجية، يعني الاعلانات مع ترغيب المشاركين بالمنتدى..
الاعلانات جاهزة بس الطباعة والتوزيع فيه مشكلة..
ممكن
نطبّق اقتراح الدمعة الحزينة لاحقاً بجوائز عينية للمشاركين (أوسمة
وبطاقات انترنت مجانية) لكن هالشي لازم يصير بعد ما تنتشر الاعلانات ليصير
عنا تمويل -ولو بسيط- للمنتدى!!

وأهم شي يبقى انو المنتدى هو منتدى
أكاديمي أخيراً، يعني نحنا أصلاً ما بدنا غير الطلاب الجامعيين يسجلو فيه
مشان ما يصير مثل منتديات نادي الفتوة لا سمح الله!!

فشو قلتو؟؟

نحنا منعمل قد ما قينا لحتى يرجع المنتدى لايامه
بس قصه التمويل بما انه المنتدى طلابي فاغلب الطلاب
منتوفين
ما خرج التمويل
انا برايي انه المنتدى صار معروف نوعا ما لانه عدد الاعضاء ماشي حالوا بس المشكله انه الاعضاء ما عم يشاركو
يعني لازم نخلي هدول الاعضاء يشاركوا بعدين لحالوا بينتشر المنتدى

يا زلمة نحنا ما بدنا شي من الطلاب.. بس الحكي عن الدعم بيكون من جهات تانية
مثلاً: مكتبة من المكتبات تتكفل بطباعة ورقيات المنتدى وبالمقابل نحن نحط لهالمكتبة بانر اعلاني بالمنتدى.. وهلم جرا

وبالمناسبة، 255 طالب سجلو بدون إعلان.. يعني اجو لحالون
كمان هالأعضاء سجلو بعد ما صار المنتدى مخصص للأعضاء المسجلين، لأن المواضيع كانت مفتوحة للزوار من قبل يعني أي واحد يدخل يقرا ويطلع بدون ما يسجل.. وأنا عندي ثقة انو في كتير طلاب ما بيعرفو يسجلو بالمنتدى وإلا كانو مسجلين من زمان.. فهي مشكلة تانية انو عندك عدد كبير من الطلاب ما بيعرف يشتغل ع النت!!

بكل الأحوال أنا حكيت غيفارا من شوي ورح يتفق معكون ع ساعة معينة نجتمع فيها اونلاين لنحكي بالموضوع بشكل مفصّل أكتر..

اهلين بوص و الله فكرتك مو هون

انشالله مؤتمر القمة رح يطلع بنتيجة

و ادامكم الله ذخر للوطن

المشكلة انو نحنا عم نحكي عن نشاط المنتدى والسيد المدير بيحكي عن التمويل!!!!
يمكن بتكون فكرتنا صح ويمكن بتكون فكرتو صح....
المهم هو المنتدى وشلون بدنا نرجّع ايامه الحلوة....

بكل الاحوال رح نتفق على موعد للقاء... وان شاء الله خير....

وبكل الاحوال مرة تانية...
انا بوعدكم انو بعد هالاجتماع، اذا نجح طبعا!!!!، رح يكون المنتدى غير والمشكركات غير...
بس بدنا همة الكل يا شباب...
تقبلوا تحياتي واستنوا قرارات مؤتمر القمة لمنتدى الآداب!!!!!